სამართალი
ირაკლი კობახიძე სუს-ში გამოკითხვაზე იმყოფებოდა

 საქართველო, 6 ნოემბერი, საქინფორმი. საპარლამენტო უმრავლესობის წევრი, პარტია „ქართული ოცნება – დემოკრატიული საქართველოს“ აღმასრულებელი მდივანი ირაკლი კობახიძე სახელმწიფო უსაფრთხოების სამსახურში იმყოფებოდა. ამის შესახებ ინფორმაცია საქართველოს პირველ არხს სუს-ში დაუდასტურეს.

სახელმწიფო უსაფრთხოების სამსახურში არ აკონკრეტებენ დეტალებს, რომელი საქმის ფარგლებში იმყოფება ირაკლი კობახიძე გამოკითხვაზე და რა შეკითხვები აქვს მასთან გამოძიებას. თუმცა, არსებული ინფორმაციით, საქმე ეხება ირაკლი კობახიძის მიერ არჩევნების წინ გაკეთებულ განცხადებას დაგეგმილი პროვოკაციების შესახებ.