უცხოეთი
აშშ-ში კვლავ აერიათ საქართველო და ჯორჯია - ამჯერად საპრეზიდენტო არჩევნებზე
საქართველო, 6 ნოემბერი, საქინფორმი. თითქოს ჩვეულებრივი რიგებია, თუმცა არა - ერთი რიგი ქართულია, მეორე - ამერიკული, ჯორჯიის შტატში. საარჩევნოდ ყველაფერი შეიძლება მოხდეს, როგორც ჩანს, ფოტოები სიჩქარეში აერიათ
აშშ-ში საპრეზიდენტო არჩევნებზე ჯორჯიის შტატში ხმების დათვლის პროცესის შესახებ რეპორტაჟში ტელეარხ ABC News-ზე შეცდომით აჩვენეს ქართული საარჩევნო უბნის ფოტო, რომელიც Sputnik-საქართველოს კორესპონდენტის მიერაა გადაღებული.
ფოტოზე აღბეჭდილია ამომრჩევლების რიგი თბილისის №55 საჯარო სკოლაში, იუწყება პირველი არხი.
აშშ-ში 3 ნოემბერს საპრეზიდენტო არჩევნები გაიმართა, ამჟამად ხმების დათვლა მიმდინარეობს. სამი დღით ადრე, 31 ოქტომბერს საქართველოში საპარლამენტო არჩევნები გაიმართა.
American Broadcasting Company (ამერიკული სამაუწყებლო კომპანია) - ამერიკული კომერციული სატელევიზიო ქსელი, რომელიც 1943 წელს შეიქმნა. ABC ეკუთვნის The Walt Disney Company-ს, Disney-ABC Television Group-ის ნაწილია და ერთ-ერთი ყველაზე რეიტინგული ტელეარხი ქვეყანაში.
sputnik-georgia.com
