ამის შესახებ საპატრიარქოს მიერ გავრცელებულ სპეციალურ განცხადებაშია ნათქვამი.

„ბოლო დღეებში რასელისტთა (ე.წ. იეღოვას მოწმეთა) სექტის წარმომადგენლები ავრცელებენ მოსაწვევებს, რომლებითაც მოქალაქეებს 17 აპრილს „იეღოვას მოწმეთა“ დღესასწაულზე – „იესოს სიკვდილის გახსენების საღამოზე“ იწვევენ. როგორც ცნობილია, აღნიშნული სექტის მიერ წარმოებული აგრესიული პროზელიტიზმი მოსახლეობის დიდი ნაწილის მწვავე რეაქციას იწვევს“, – ნათქვამია განცხადებაში.

საპატრიარქოს პრესცენტრი კიდევ ერთხელ აღნიშნავს, რომ რასელისტთა ორგანიზაცია წარმოადგენს ანტიქრისტიანულ და ანტიჰუმანურ ტოტალიტარულ სექტას.

„საეკლესიო სამართლის თანახმად, მართლმადიდებელი ქრისტიანისთვის მიუღებელია სექტანტებთან ერთობლივი ლოცვა და მათ რიტუალებში თანამონაწილეობა“, – აღნიშნულია განცხადებაში.