სამართალი
სააკაშვილის ადმინისტრაცია მათიას ჰუტერის განცხადების კომენტირებას არ აპირებს

matias_huterქართულ პრესაში გავრცელდა ინფორმაცია იმის შესახებ, რომ პრეზიდენტმა სააკაშვილმა პარლამენტში სიტყვით გამოსვლისას იცრუა, როცა განაცხადა, რომ „Financial Times“-მა საქართველო №1 რეფორმატორად აღიარა.
„საერთაშორისო გამჭვირვალობა – საქართველოს“ წარმომადგენელმა მათიას ჰუტერმა საგანგებო სტატიით საქართველოს №1 რეფორმატორად აღიარება უარყო, რომლის მტკიცებით, „მსგავსი სტატია „Financial Times“-ში არასოდეს გამოქვეყნებულა“.

„გაზეთში მხოლოდ რეკლამა დაიბეჭდა, რომელშიც ქართულმა მხარემ 100 ათასი გირვანქა სტერლინგი გადაიხადა“, – აღნიშნა ჰუტერმა სტატიაში.

 

საქართველოს პრეზიდენტის ადმინისტრაცია ჰუტერის განცხადებას აბსურდულად მიიჩნევს და კომენტარს არ აკეთებს.
„ამ ტიპის აბსურდულ განცხადებაზე ჩვენ, როგორც წესი, კომენტარისაგან თავს ვიკავებთ“, – განაცხადა 12 აპრილს გამართულ ტრადიციულ ბრიფინგზე პრეზიდენტის პრესსპიკერმა მანანა მანჯგალაძემ.