ამის შესახებ გაზეთი „ვერსია“ იუწყება, რომლის ინფორმაციით, სოჭში დაგეგმილი კონფერენცია „საქართველოს ხალხთა ასამბლეის“ ინიციატივითა და დაფინანსებით გაიმართება.

„კულუარებში ამბობენ, რომ ასამბლეის ხელმძღვანელ გოჩა ძასოხოვის ინტერესი საქართველოს პრემიერ-მინისტრის სავარძელში ჩაჯდომაა. ამბობენ იმასაც, რომ თუ ეს მოხდება, ეს იქნება გარანტი, რომ ოსებთან ჩატეხილი ხიდი აღდგეს“, – წერს გაზეთი „ვერსია“ სტატიაში სათაურით – „ქართველი და რუსი პოლიტიკოსების გასაიდუმლოებული შეხვედრა სოჭში – რატომ იმართება კონფერენცია 26-28 აპრილს და ჩავლენ თუ არა სოჭში გულაშვილი-კუკავა“.

„ვერსია“ შეხვედრის მონაწილე მალხაზ გულაშვილსაც დაუკავშირდა, თუმცა მან ინტერვიუზე უარი განაცხადა.

„მართალია, კახა კუკავამ მწირი პასუხები მოგვცა, მაგრამ აღნიშნა, რომ ის მართლაც მიიწვიეს ამ შეკრებაზე, თუმცა არც ფორმატი იცის და არც ის გადაუწყვეტია, წავა თუ არა სოჭში“, – წერს სტატიის ავტორი.