აქტუალური
აფხაზეთში კორონავირუსის კიდევ ცხრა შემთხვევა დაფიქსირდა
საქართველო, 11 აგვისტო, საქინფორმი. კორონავირუსით ინფიცირების კიდევ ცხრა შემთხვევა დაფიქსირდა აფხაზეთში. ინფორმაციას საოკუპაციო რეჟიმი ავრცელებს.
აფხაზეთის ე.წ. ჯანდაცვის სამინისტროს ინფორმაციით, 55 ადამიანს ჩაუტარდა კვლევა, მათგან ცხრას კი „კოვიდ-19“ დაუდასტურდა.
საოკუპაციო რეჟიმის მონაცემებით, აფხაზეთში კორონავირუსით ინფიცირების სულ 143 შემთხვევა დადასტურდა. გამოჯანმრთელდა 43, გარდაიცვალა სამი ადამიანი.
