უცხოეთი
მსოფლიოში კორონავირუსით ინფიცირებულთა რიცხვმა 10.5 მილიონს გადააჭარბა
საქართველო, 3 ივნისი, საქინფორმი. „კოვიდ 19“-ით ინფიცირებულთა რაოდენობამ მსოფლიო მასშტაბით 10.5 მილიონს გადააჭარბა. ჯანდაცვის მსოფლიო ორგანიზაციის ინფორმაციით, ბოლო ერთ დღეში მსოფლიოში კორონავირუსული ინფექცია 176 000-ზე მეტ ადამიანს დაუდასტურდა. ორგანიზაციის მონაცემებით, მსოფლიო მასშტაბით ბოლო ერთ დღეში „კოვიდ 19“-ს 4 787 ადამიანი ემსხვერპლა, ეპიდემიის დაწყების შემდეგ კი კორონავირუსით საერთო ჯამში 512 000-ზე მეტი ადამიანი დაიღუპა. კორონავირუსული ინფექციის აფეთქების შესახებ ჯანდაცვის მსოფლიო ორგანიზაციამ მიმდინარე წლის 11 მარტს განაცხადა.
