სამართალი
496 დევნილ ოჯახს საცხოვრებელი ფართი დაუკანონდება
საქართველო, 26 ივნისი, საქინფორმი. 496 დევნილ ოჯახს საცხოვრებელი ფართი დაუკანონდება, – ამის შესახებ საქართველოს პრემიერ-მინისტრმა გიორგი გახარიამ მთავრობის გუშინდელ სხდომაზე განაცხადა.
„დღეს 496 ოჯახს, ჩვენს დევნილებს, ჯანდაცვის სამინისტრო გადასცემს ახალ ფართს, ახალ ბინას, ან დაუკანონებს უკვე არსებულს. ეს კიდევ ერთი წინ გადადგმული ნაბიჯია და გაგრძელებაა დევნილებზე ზრუნვის მიმართულებებით. წლის ბოლომდე ჩვენ მსგავსი დადგენილებები კიდევ რამდენიმე გვექნება, რომლებიც შეეხება დაახლოებით 500 დევნილს მთელი ქვეყნის რეგიონების მასშტაბით“, – განაცხადა გიორგი გახარიამ.
