საზოგადოება
საქართველოში ამ დროისთვის ახალი კორონავირუსის 517 შემთხვევაა დადასტურებული, მათ შორის 168 გამოჯანმრთელდა

 საქართველო, 30 აპრილი, საქინფორმი. საქართველოში ახალი კორონავირუსის კიდევ ექვსი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა.

ვებგვერდის ინფორმაციით, ამ დროისთვის საქართველოში კორონავირუსის 517 შემთხვევა არის დადასტურებული, მათ შორის გამოჯანმრთელდა 168 პაციენტი.

ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.

კორონავირუსის შედეგად ქვეყანაში ექვსი პაციენტი გარდაიცვალა.

კარანტინის რეჟიმში 5153 მოქალაქე იმყოფება, ხოლო სტაციონარში მეთვალყურეობის ქვეშ – 549.