აქტუალური
ანგარიშის გახსნიდან 72 საათში StopCov ფონდში 9 მლნ ლარი შეგროვდა

 საქართველო, 27 მარტი, საქინფორმი. ანგარიშის გახსნიდან 72 საათში, კორონავირუსთან ბრძოლისთვის StopCov ფონდში 9 მლნ ლარი შეგროვდა. ფონდში თანხის ჩარიცხვა www.stopcov.ge-ს პლატფორმიდან ყველას შეუძლია.

ბიზნესომბუდსმენის აპარატის ინფორმაციით, 25 მარტის 18:00 საათის მონაცემებით, ფონდში მსხვილი შენატანები განახორციელეს კომპანიებმა: „მაგთიკომი“, „არ ემ ჯი“, „მეტრო ჰოლდინგი“, „თელავის ღვინის მარანი“, „პე-ეს-პე ჯგუფი“, „თეგეტა მოტორსი“, „ფრიდონ თოდუას სამედიცინო ცენტრი“, „ფოთის საზღვაო ნავსადგური“, საქართველოს პარლამენტის მაჟორიტარი დეპუტატი გოჩა ენუქიძე, „ჰუალინგი“, სამშენებლო კომპანია „დირსი“, „თბილი სახლი“, „სარაჯიშვილი“, სუპერმარკეტების ქსელი „ზღაპარი“, ქსელი „სუფთა სახლი“, „რუსთავი სთილ კორპორეიშენ კომპანი“, „ასკანელი ძმები“.

StopCoV ფონდში აკუმულირებული თანხები, პლატფორმის ფარგლებში, ბიზნესომბუდსმენის აპარატისა და კერძო სექტორის კოორდინაციით, იდენტიფიცირებული საჭიროებების დასაკმაყოფილებლად მიემართება.