საქართველო, 4 მარტი, საქინფორმი. აშშ-ის კონგრესში საქართველოსთან მეგობრობის ჯგუფის თანათავმჯდომარე ადამ კინზინგერი "ამერიკის ხმის" ეთერში საქართველოზე საუბრობს და ამბობს, რომ თუ საარჩევნო სისტემის შესახებ პროგრესს ვერ იხილავენ, ბევრისთვის მოულოდნელ ნაბიჯებს გადადგამენ:

"ვფიქრობ, ის, რასაც გავაკეთებთ [თუ ვერ ვიხილავთ პროგრესს საარჩევნო სისტემის შესახებ], ბევრისთვის მოულოდნელი იქნება. ამას აქ, შეერთებულ შტატებში გადავწყვეტთ. იმედი მაქვს, ვიპოვით გამოსავალს დაკავების მუქარის შესახებ და იმაზე, თუ როგორი იქნება საარჩევნო სისტემა 2020 წელს. 2024 წელს სრულად პროპორციული არჩევნების გარანტია გაიცა. ჩვენ ვნახავთ, რისი გაკეთება შეიძლება. ვგეგმავთ საქართველოში დაბრუნებას, თუმცა საბოლოოდ ჩვენს ნაბიჯებზე უფრო მნიშვნელოვანი იქნება ის, თუ რა მოხდება საქართველოში და ეს ქართველმა ხალხმა უნდა გადაწყვიტოს დემოკრატიულად", - აცხადებს მაღალჩინოსანი.