უცხოეთი
შავ ზღვაში რუსეთის ფლოტის სამხედრო წვრთნები დაიწყო

 საქართველო, 20 ნოემბერი, საქინფორმი. სწავლებებში ჩართული არიან ფრეგატი „ადმირალი ესენი“, მცირე სარაკეტო გემი „ვიშნი ვოლოჩეკი“, დიდი სადესანტო ხომალდი „აზოვი“, საზღვაო ტრალერები „ტურბინისტი“ და „კოვროვცევი“ და დამხმარე ფლოტის ხომალდები.

რუსეთმა შავ ზღვაში სწავლებები დაიწყო, რომელშიც ათზე მეტი საზღვაო ხომალდი და ავიაციაა ჩართული, იუწყება რუსეთის შავი ზღვის ფლოტის პრეს-სამსახური.

„შავი ზღვის ფლოტის ათზე მეტი ხომალდი გავიდა სევასტოპოლისა და ნოვოროსიისკის ბაზირების პუნქტებიდან ერთობლივი წვრთნების ჩასატარებლად სარაკეტო და საარტილერიო სროლების შესასრულებლად“, — ნათქვამია პრეს-სამსახურის განცხადებაში.


კერძოდ, სწავლებებში ჩართული არიან ფრეგატი „ადმირალი ესენი“, მცირე სარაკეტო გემი „ვიშნი ვოლოჩეკი“, დიდი სადესანტო ხომალდი „აზოვი“, საზღვაო ტრალერები „ტურბინისტი“ და „კოვროვცევი“ და დამხმარე ფლოტის ხომალდები.

გავრცელებული ინფორმაციით, სარაკეტო და საარტილერიო სროლებისას გემების ეკიპაჟები ჩაატარებენ სწავლებას ნაღმების მოძიებაში, საზღვაო ბრძოლის წარმოებაში, წყალქვეშა ნავის აღმოჩენასა და განადგურებაში, სახმელეთო სასარდლო პუნქტის აღმოჩენასა და მისთვის დარტყმის მიყენებაში, პირობითი მოწინააღმდეგის საჰაერო საშუალებების იერიშის მოგერიებაში.

გარდა ამისა, შავი ზღვის ფლოტის ხომალდების მანევრებში ჩართული იქნება ავიაგამანადგურებელი Су-30СМ.

sputnik-georgia.com