სამართალი
ქუთაისის აეროპორტში რუსეთის მოქალაქე დააკავეს, რომელსაც ნარკოტიკული ნივთიერების შემცველი მედიკამენტი აღმოაჩნდა
საქართველო, 8 მაისი, საქინფორმი. ქუთაისის აეროპორტში რუსეთის მოქალაქე დააკავეს, რომელსაც ნარკოტიკული ნივთიერების შემცველი მედიკამენტი აღმოაჩნდა.
ფინანსთა სამინისტროს შემოსავლების სამსახურის ინფორმაციით, საბაჟო გამშვებ პუნქტში „ქუთაისის აეროპორტი“ მებაჟე ოფიცრებმა, ეჭვის საფუძველზე რუსეთის მოქალაქე ბ.ნ-ს ფიზიკური დათვალიერების შედეგად, ნარკოტიკული ნივთიერების შემცველი მედიკამენტი (Codeine Phosphate -50 აბი) გამოავლინეს.
ფაქტზე გამოძიებას საქართველოს შინაგან საქმეთა სამინისტროს წყალტუბოს რაიონული სამმართველო სისხლის სამართლის კოდექსის 260-ე მუხლის 1 ნაწილით აწარმოებს, რაც ნარკოტიკული საშუალების უკანონო შეძენა-შენახვას გულისხმობს.
