საზოგადოება
გიორგი გახარია, ალექსანდრე მოწერელია და გიორგი შენგელია ენგურის ხიდზე იმყოფებოდნენ
საქართველო, 30 აპრილი, საქინფორმი. ვიცე-პრემიერი, შინაგან საქმეთა მინისტრი გიორგი გახარია, სამეგრელო-ზემო სვანეთში სახელმწიფო რწმუნებული ალექსანდრე მოწერელია და ზუგდიდის მერობის კანდიდატი გიორგი შენგელია ენგურის ხიდზე იმყოფებოდნენ, სადაც სოფელ რუხში და საოკუპაციო ხაზთან არსებულ მდგომარეობას ადგილობრივ და აფხაზეთიდან დევნილ მოსახლეობასთან ერთად გაეცნენ.
სამეგრელო-ზემო სვანეთის გუბერნიის პრესსამსახურის ინფორმაციით, მათ მიმდინარე გამოწვევების შესახებ ისაუბრეს.
„ჩემი ერთ-ერთი ძირითადი პრიორიტეტი დევნილი მოსახლეობის სოციალური თუ საყოფაცხოვრებო პრობლემების მოგვარება იქნება. ცენტრალურ ხელისუფლებასთან აქტიური თანამშრომლობით უნდა შევძლოთ, რომ მაქსიმალურად უზრუნველვყოთ მათი პრობლემების მოგვარება.
ასევე, საუბრისას ხაზი გაესვა ჩვენი ქვეყნისთვის სამეგრელოს რეგიონში სტაბილურობის და მშვიდობიანი განვითარების მნიშვნელობას“, – განაცხადა მერობის კანდიდატმა გიორგი შენგელიამ.
