სამართალი
საქართველოს მოქალაქემ იტალიაში ერთი და იმავე სავაჭრო ქსელის მაღაზია სამჯერ გაქურდა

 საქართველო, 21 მარტი, საქინფორმი. იტალიაში საქართველოს მოქალაქემ ერთი და იმავე სავაჭრო ქსელის მაღაზია სამჯერ გაქურდა.

როგორც იტალიური მედია იუწყება, დაკავებულია 19 წლის მამაკაცი, რომელმაც ლომბარდიის ქალაქ მანტუაში ტექნიკის სავაჭრო ცენტრიდან რამდენიმე ლეპტოპის მოპარვა სცადა.

გამომძიებლები აცხადებენ, რომ მამაკაცი თანამზრახველთან ერთად მოქმედებდა, რომელმაც მიმალვა შეძლო.

პოლიციის მიერ დაკავებული .-ს იდენტიფიცირების შემდეგ დადგინდა, რომ საქართველოს მოქალაქე წარსულში რამდენჯერმე იყო ნასამართლევი. კერძოდ, მან ორჯერ გაქურდა ერთი და იმავე სავაჭრო ცენტრის მაღაზიები ჯერ ფიუმიჩინოში, შემდეგ კი ფლორენციაში.