უცხოეთი
მამუკა ბახტაძე - საქართველო-აშშ-ის ურთიერთობა დღეს ყველაზე მაღალ დონეზეა
საქართველო, 19 თებერვალი, საქინფორმი. აშშ გახლავთ ჩვენი სტრატეგიული პარტნიორი და საქართველო-აშშ-ის ურთიერთობა დღეს ყველაზე მაღალ ნიშნულზე, – ამის შესახებ საქართველოს პრემიერ-მინისტრმა მამუკა ბახტაძემ მიუნხენში აშშ-ის თავდაცვის მდივან პატრიკ შანაჰანთან შეხვედრის შეფასებისას განაცხადა.
მთავრობის მეთაურმა აღნიშნა, რომ თავდაცვის მდივანთან ძალიან მნიშვნელოვანი და შედეგზე ორიენტირებული საუბარი გაიმართა.
„აშშ გახლავთ ჩვენი სტრატეგიული პარტნიორი და საქართველო-აშშ-ის ურთიერთობა დღეს ყველაზე მაღალ დონეზეა. ეს არ არის მხოლოდ ჩემი მოსაზრება, ეს არის ყველა ექსპერტის შეფასება.
ვინაიდან ჩვენი ორმხრივი ურთიერთობები ასე ღრმავდება, ჩვენ აქცენტს ვაკეთებთ გრძელვადიან პროგრამებზე. ხუთწლიანი პროგრამა სწორედ ამას გულისხმობს და მასში იქნება ძალიან მნიშვნელოვანი აქცენტები, რომელიც ორივე ქვეყნის ეროვნულ ინტერესშია“,- განაცხადა მამუკა ბახტაძემ.
1tv.ge
