სისხლიანი გარჩევა თელავში: დაჭრილია სამი ადამიანი

სამართალი

საქართველო, 20 დეკემბერი, საქინფორმი. თელავში აღმაშენებლის ქუჩაზე მომხდარი სროლის შედეგად სამი ახალგაზრდა დაშავდა, იუწყება ტელეკომპანია „რუსთავი 2“.

ინციდენტი საყოფაცხოვრებო ნარჩენების გადამამუშავებელი კომპანიის ოფისში მოხდა. ტელეკომპანიის ინფორმაციით, ინციდენტს წინ სიტყვიერი და ფიზიკური დაპირისპირება უძღოდა, რის შემდეგაც სავარაუდო თავდამსხმელმა ავტომატიდან რამდენჯერმე გაისროლა.

დაშავებულებს ჭრილობები ქვედა კიდურებზე აქვთ მიყენებული, ერთ-ერთი დაშავებული თელავის დედათა მონასტრის წინამძღვრის მამა გენადის შვილია.

„ის ყვება, რომ ვიღაც გამოვიდა და მათი მიმართულებით სროლა დაიწყო. ისინი რამდენიმე იყვნენ, რა თქმა უნდა, ერთი ისროდა, დაჭრილი კი სამია", - განაცხადა მამა გენადიმ.