სამართალი
ზემო ლარსი: რუსეთისკენ გზა დაკეტილია, გაწმენდითი სამუშაოების ჩატარება შეუძლებელია

 საქართველო, 19 ნოემბერი, საქინფორმი. გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტების ჯგუფი აკვირდება სიტუაციას მცხეთასტეფანწმინდალარსის გზის გუდაური-კობის მონაკვეთზე, რომელიც ზვავსაშიშროების გამო მესამე დღეა დაკეტილია, ნათქვამია უწყების Facebook-გვერდზე გავრცელებულ განცხადებაში.

სპეციალისტების რეკომენდაციით, რთული მეტეოროლოგიური პირობების და ზვავსაშიშროების გამო გუდაური-კობის მონაკვეთზე გაწმენდითი სამუშაოები დღის განმავლობაში რეკომენდებული არ არის. ეს ერთადერთი გზაა, რომელიც საქართველოს რუსეთთან აკავშირებს.