აქტუალური
საქართველოს სავალუტო რეზერვები ერთ თვეში 57 მილიონი დოლარით შემცირდა
საქართველო, 8 ნოემბერი, საქინფორმი. საქართველოს სავალუტო რეზერვები ერთ თვეში 57 მილიონი აშშ დოლარით შემცირდა. ეროვნული ბანკის ვებგვერდზე გამოქვეყნებული მონაცემების თანახმად, 31 ოქტომბრის მდგომარეობით, რეზერვების მოცულობა 3 მილიარდ 95 მილიონ დოლარს შეადგენს, საიდანაც უცხოური ვალუტის რეზერვები 2 მილიარდ 894 მილიონი დოლარია.
30 სექტემბრის მდგომარეობით კი რეზერვების მოცულობა 3 მილიარდ 152 მილიონ დოლარს შეადგენდა, რაც ისტორიული მაქსიმუმი იყო.
ამასთან, საერთაშორისო სავალუტო ფონდი საქართველოში სავალუტო რეზერვების დაბალ მოცულობაზე მიუთითებს. ფონდის ცნობით, რეზერვები ე.წ. ადეკვატურობის მინიმალურ დონესთან შედარებით დაბალ ნიშნულზეა.
