აქტუალური
როგორ დავხარჯოთ 150 მილიონი
პრეზიდენტის ინიციატივას, სოფლის მეურნეობის განვითარებისთვის დამატებით 150 მილიონი ლარის გამოყოფის შესახებ, სპეციალისტები ეჭვით უყურებენ. მათი განცხადებით, უმჯობესი იქნებოდა, ჯერ სოფლის მეურნეობის განვითარების სტრატეგია შემუშავებულიყო. თუ არ არსებობს სტრატეგია, მაშინ ჩნდება კითხვა: როგორ უნდა მოხდეს ამ თანხის დახარჯვა?
გაურკვეველია ისიც, საიდან აპირებს 150 მილიონის მობილიზებას ხელისუფლება. დარგის სპეციალისტების აზრით, გაუგებარია სასაწყობო მეურნეობების განვითარების გეგმა, რომელიც მთავრობამ უპირველეს მიზნად დაისახა. “თუ არ გაიზრდება მოსავლიანობა, საწყობში რა უნდა შევინახოთ? ჯერ მოსავლიანობის გაზრდას უნდა შევუწყოთ ხელი და შემდეგ ვიზრუნოთ მოსავლის შენახვა რეალიზაციაზე,” – განუცხადა საქინფორმს ექსპერტმა პაატა კოღუაშვილმა.
