სამართალი
ბათუმში ერთდროულად ოთხი სავაჭრო ობიექტი, სავარაუდოდ, არასრულწლოვნებმა გაქურდეს

     საქართველო, 24 ივლისი, საქინფორმი. ბათუმში, ჯორჯიაშვილისა და წერეთლის ქუჩების გადაკვეთაზე ოთხი კომერციული ობიექტი ერთდროულად გაქურდეს. ყველა მათგანიდან წაღებულია თანხა.

ობიექტების მეპატრონეებმა მომხდარის შესახებ დილით შეიტყეს, როცა შესასვლელი კარი გატეხილი დახვდათ.

შესასვლელი კარები გატეხილია, წაღებულია კმაო ოდენობის თანხა, სხვა ნივთებს ხელს არ კიდებენ. პოლიცია უკვე იძიებს მომხდარს”, - ამბობს ერთ-ერთი დაზარალებული.

სავაჭრო ობიექტების მეპატრონეთა განცხადებით, სამართალდამცველებმა უკვე გაშიფრეს სათვალთვალო კამერების ჩანაწერები. წინასწარი დათვალიერებით ირკვევა, რომ ქურდობა არასრულწლოვნების ჩადენილია.

შინაგან საქმეთა სამინისტროს ცნობით, საქმე სს კოდექსის 177-ე მუხლით აღიძრა, რაც ქურდობას გულისხმობს. არასრულწლოვნების მიმართ, რომლებიც სავარაუდო დამნაშავეები არიან, შესაბამისი სანქციები გატარდება