შსს-მ „საქართველოს ეროვნული ერთობის“ მიერ გამოთქმულ მუქარის განცხადებებზე გამოძიება დაიწყო
სამართალი
შსს-მ „საქართველოს ეროვნული ერთობის“ მიერ გამოთქმულ მუქარის განცხადებებზე გამოძიება დაიწყო

     საქართველო, 17 მაისი, საქინფორმი. შინაგან საქმეთა სამინისტროს თბილისის პოლიციის დეპარტამენტმა, მედიაში გავრცელებული ინფორმაციის საფუძველზე, 13 მაისს თბილისში, რუსთაველის გამზირზე ორგანიზაცია საქართველოს ეროვნული ერთობის მიერ აქციის მიმდინარეობისას გამოთქმულ მუქარის შემცველ განცხადებებთან დაკავშირებით გამოძიება დაიწყო, – ამის შესახებ ინფორმაციას შსს ავრცელებს.

უწყების ცნობით, გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს.

„სამართალდამცველები გამოძიების ფარგლებში მოახდენენ კონკრეტული პირების გამოკითხვას და ჩატარდება კანონით გათვალისწინებული ყველა საგამოძიებო მოქმედება“, – აღნიშნულია შსს-ს ინფორმაციაში.