აშშ-ის საელჩო ავტოავარიისას საელჩოს თანამშრომლისა და საქართველოს მოქალაქის დაღუპვის გამო მწუხარებას გამოთქვამს
სამართალი
აშშ-ის საელჩო ავტოავარიისას საელჩოს თანამშრომლისა და საქართველოს მოქალაქის დაღუპვის გამო მწუხარებას გამოთქვამს

     საქართველო, 9 მაისი, საქინფორმი. საქართველოში აშშ-ის საელჩო ღრმა მწუხარებას გამოთქვამს ავტოავარიისას საელჩოს თანამშრომლის მარკ მიტჩელისა და საქართველოს მოქალაქის დაღუპვის გამო.
ამერიკის შეერთებული შტატების საელჩო ღრმა მწუხარებით ადასტურებს, რომ 6 მაისს ავტოავარიის შედეგად დაიღუპა საელჩოს თანამშრომელი მარკ მიტჩელი. ადგილობრივი ხელისუფლება ავტოსაგზაო შემთხვევას იძიებს.
მარკი USAID–ის გუნდის ფასდაუდებელი წევრი იყო და მის არყოფნას ძალიან განვიცდით.
ამერიკის საელჩოს გუნდი თანაგრძნობს მარკის ოჯახს, შემთხვევის შედეგად გარდაცვლილი საქართველოს მოქალაქის ოჯახსა და დაშავებულებს.
მარკი ღირსეულად ემსახურებოდა თავის ქვეყანას ჩვენი სამყაროს გაუმჯობესებისათვის. მან მრავალი ადამიანის ცხოვრება შეცვალა თავის სამშობლოში და მის საზღვრებს გარეთ. მარკი ემახსოვრებათ იმ თავდადებული შრომისათვის, რომელიც მან გასაჭირში მყოფთა დასახმარებლად გასწია“, – აღნიშნულია აშშ-ის საელჩოს სამძიმრის წერილში.
ავტოავარია, რომლის დროსაც ორი ადამიანი დაიღუპა, დაბა მანგლისთან მოხდა. შემთხვევის შედეგად 17 ადამიანი დაშავდა.