პოლიტიკა
ყოფილ საბჭოთა ქვეყნებს შორის პროდასავლურობის ინდექსით საქართველო მეოთხე ადგილზეა
საქართველო, 8 მაისი, საქინფორმი. საქართველო ყოფილი საბჭოთა ქვეყნების ვესტერნიზაციის ინდექსის მიხედვით მეოთხე ადგილს იკავებს. შესაბამისი კვლევა ამერიკულმა ორგანიზაციამ – „პოლიტიკური და დიპლომატიური გადაწყვეტილებების სტრატეგიულმა ცენტრმა“ (StrategEast) გამოაქვეყნა.
რეიტინგში საქართველოს მხოლოდ ბალტიის ქვეყნები – ესტონეთი, ლატვია და ლიტვა უსწრებენ. ყოფილ საბჭოთა სახელმწიფოებს შორის ყველაზე პროდასავლურად სწორედ ესტონეთი დასახელდა, რომელსაც 100-დან 93 ქულა აქვს მინიჭებული. მეოთხე ადგილზე მყოფ საქართველოს 62 ქულა აქვს. მას მოსდევს მოლდოვა (56 ქულა) და უკრაინა (54 ქულა).
კვლევაში არ არის შეფასებული რუსეთის ვესტერნიზაცია. 14 სახელმწიფოს შორის ყველაზე ნაკლებად პროდასავლურებად ტაჯიკეთი (19,5 ქულა) და თურქმენეთი (17,5 ქულა) დასახელდნენ.
რეიტინგის შედგენისას კვლევის ავტორები აფასებდნენ პოლიტიკურ, ეკონომიკურ, საკანონმდებლო, კულტურულ კომპონენტებს, ასევე ცხოვრების წესს.
