საზოგადოება
მთავრობის აბსურდული გეგმა

psychologyარასამთავრობო ორგანიზაციები განათლებისა და მეცნიერების სამინისტროს აბსურდულ გეგმებზე საუბრობენ, რაც სკოლებში ფსიქოლოგის ინსტიტუტის შემოღების იდეას ეხება.

სამოქალაქო განვითარების ინსტიტუტის ხელმძღვანელმა, ფსიქოლოგმა ქეთევან კოპალაძემ დღეს "ქრისტიან-დემოკრატებთან" გამართულ შეხვედრაზე განაცხადა, რომ განათლებისა და მეცნიერების სამინისტრო აპირებს, 4-5 სკოლას ერთი ფსიქოლოგი მიამაგროს.

მისი აზრით, ეს არის აბსოლუტურად აბსურდული და გაუგებარი გადაწყვეტილება, რადგან თავადაც ფსიქოლოგია და კარგად ესმის, რომ ამის განხორციელება შეუძლებელია – როგორც უნდა მოახერხოს ერთმა ფსიქოლოგმა, 4-5 სკოლის და, მით უფრო, რეგიონების მომსახურება.

ქეთევან კოპალაძეს, ასევე, აბსურდულად მიაჩნია გადაწყვეტილება კლასებში მოსწავლეთა კონტიგენტის გაზრდასთან დაკავშირებით. კერძოდ, განათლებისა და მეცნიერების სამინისტროს გადაწყვეტილებით, კლასში 35 იჯდეს, გასულ წლებში კი ეს ზღვარი 25 ბავშვს არ სცილდებოდა.