უცხოეთი
აშშ-ის სამხედრო-საზღვაო ძალების ხომალდი სირიის სანაპიროს მიუახლოვდა

     საქართველო, 11 აპრილი, საქინფორმი. ვაშინგტონმა ხმელთაშუა ზღვაში სამხედრო ხომალდები გაგზავნა. გავრცელებული ცნობით, სირიის სახელისუფლებო ჯარები მოსალოდნელი საფრთხის გამო გადაჯგუფებას ახდენენ.
თურქული გამოცემა Hurriyet-ის ინფორმაციით, რუსეთის სამხედრო თვითმფრინავებმა ამერიკულ ხომალდს, Donald Cook-ს ოთხჯერ გადაუფრინეს.
აშშ-ის სამხედრო-საზღვაო ძალების ხომალდი სირიის სანაპიროს უკვე 100 კილომეტრზე მიუახლოვდა. ამერიკული გემი „ტომაჰავკის“ ტიპის 60 ფრთოსანი რაკეტითაა აღჭურვილი.
სირიის ქალაქ დუმაში განხორციელებულ ქიმიურ თავდასხმაზე საუბრისას, აშშ-ის პრეზიდენტმა თქვა, რომ ვაშინგტონი საპასუხო ზომებს მიიღებს.
ქიმიური იარაღის გამოყენების შესახებ ინფორმაციას რუსეთი სიცრუეს და პროვოკაციას უწოდებს.

1tv.ge