უცხოეთი
თურქეთი რუს დიპლომატებს არ გააძევებს

     საქართველო, 30 მარტი, საქინფორმი. რუს დიპლომატებს თურქეთიდან არ გააძევებენ. ამის შესახებ განცხადება ქვეყნის პრეზიდენტმა, რეჯეფ თაიფ ერდოღანმა გააკეთა. ინფორმაციას The Associated Press-ი ავრცელებს.
ნატო-ს წევრი სახელმწიფოს, თურქეთის მთვარობა აცხადებს, რომ ქვეყანა არ აპირებს, ჩრდილოატლანტიკური ალიანსისა და ევროკავშირის კვალს გაჰყვეს.
„იმიტომ, რომ ზოგიერთმა ქვეყანამ ეს ნაბიჯი მხოლოდ ბრალდების საფუძველზე გადადგა, ჩვენ ანალოგიურად არ უნდა მოვიქცეთ“, – განაცხადა თურქეთის პრეზიდენტმა.
ორმაგი აგენტის, სერგეი სკრიპალისა და მისი ქალიშვილის მოწამვლის გამო, დიდმა ბრიტანეთმა, ამერიკის შეერთებულმა შტატებმა, ასევე ნატო-სა და ევროკავშირის წევრი სახელმწიფოების უმეტესობამ საკუთარი ქვეყნებიდან რუსი დიპლომატები გააძევა.

1tv.ge