სამართალი
გერმანიაში ძარცვის ბრალდებით სამი ქართველი დააკავეს

     საქართველო, 16 მარტი, საქინფორმი. გერმანიის ქალაქ პადერბორნში სუპერმარკეტების ძარცვის ბრალდებით სამი ქართველი დააკავეს. როგორც ადგილობრივი მედია წერს, მათ რამდენიმე მაღაზია გაძარცვეს.
პოლიციის ინფორმაციით, სქემა ასეთი იყო - ორი მამაკაცი სუპერმარკეტში შედიოდა და კიდევ ერთი მათ გარეთ მანქანაში ელოდა.
ბრალდებულების დაკავება მას შემდეგ მოხერხდა, რაც მორიგი ძარცვის დროს მათ ერთ-ერთი გამყიდველი დაედევნა. მიუხედავად ამისა, მძარცველებმა მანქანაში ჩასხდომა შეძლეს, თუმცა ავტომობილი ადგილობრივებმა შეაჩერეს. შემდეგ ადგილზე პოლიცია მივიდა. ამჟამად ძარცვაში ბრალდებულები ციხეში იმყოფებიან.