შინაგან საქმეთა სამინისტრომ საბურთალოზე მომხდარი არასრულწლოვანთა დაჭრის ფაქტი ცხელ კვალზე გახსნა
საზოგადოება
შინაგან საქმეთა სამინისტრომ საბურთალოზე მომხდარი არასრულწლოვანთა დაჭრის ფაქტი ცხელ კვალზე გახსნა

     საქართველო, 2 თებერვალი, საქინფორმი. შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 2000 წელს დაბადებული .. ჯანმრთელობის განზრახ მძიმე დაზიანების ბრალდებით დააკავეს. მის მიერ ჩადენილი დანაშაული 3-დან 6 წლამდე ვადით თავისუფლების აღკვეთას ითვალისწინებს.
გამოძიებამ დაადგინა, რომ მიმდინარე წლის 31 იანვარს თბილისში, ალ.ყაზბეგის გამზირზე, ე.წ. წითელი ბაღის ტერიტორიაზე ა.ნ-მ ურთიერთშელაპარაკებისას ყოფილ თანაკლასელებს - 2000 წელს დაბადებულ ნ.ც-ს და 2000 წელს დაბადებულ ი.ც-ს ცივი იარაღით მუცლისა და გულმკერდის არეში თითო ჭრილობა მიაყენა, ხოლო 2000 წელს დაბადებული ლ.ხ. ხელში მსუბუქად დაჭრა და შემთხვევის ადგილიდან მიიმალა. სამივე დაჭრილი არასრულწლოვანი საავადმყოფოში გადაიყვანეს. მათ სიცოცხლეს საფრთხე არ ემუქრება.
სამართალდამცველებმა ა.ნ. ჩატარებული სამძებრო ღონისძიებების შედეგად ცხელ კვალზე თბილისში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.
გამოძიება ჯანმრთელობის განზრახ მძიმე დაზიანების ფაქტზე მიმდინარეობს, საქართველოს სსკ-ს 117-ე მუხლით.