საზოგადოება
"ბიუჯეტის საშემოსავლო ნაწილი 131-მილიონიანი გადაჭარბებით შესრულდა" - მამუკა ბახტაძე
საქართველო, 23 იანვარი, საქინფორმი. ფინანსთა სამინისტრომ 2017 წლის ბიუჯეტის შესრულების დოკუმენტაცია პარლამენტს უკვე გადაუგზავნა. მამუკა ბახტაძის განცხადებით, 2017 წლის ფისკალური წელი დადებითი დინამიკით დასრულდა და სახელმწიფო ბიუჯეტის როგორც ხარჯვითი, ასევე საშემოსავლო ნაწილი შესრულებულია.
ფინანსთა მინისტრი აცხადებს, რომ წინა წელთან შედარებით ხაზინაში 12%-ით მეტი თანხა შევიდა. დაგეგმილი 3,5%-ის ნაცვლად, ბიუჯეტის დეფიციტმა 3% შეადგინა.
„ბიუჯეტის საშემოსავლო ნაწილი 131-მილიონიანი გადაჭარბებით არის შესრულებული და ნომინალურ გამოსახულებაში 11 მილიარდ 618 მილიონ ლარს შეადგენს. ზრდა წინა წელთან შედარებით გვაქვს თითქმის 12 პროცენტით“, - განაცხადა ბახტაძემ.
