აქტუალური
Forbes - ბიზნესისთვის საუკეთესო ქვეყნების რეიტინგში საქართველო ცხრა პოზიციით ჩამოქვეითდა
საქართველო, 25 დეკემბერი, საქინფორმი. გამოცემა Forbes ბიზნესისთვის საუკეთესო ქვეყნების სიას აქვეყნებს. 2018 წლის რეიტინგის სათავეში გაერთიანებული სამეფოა. ხუთეულში ახალი ზელანდია, ნიდერლანდები, შვედეთი და კანადა მოხვდნენ.
საქართველო Forbes-ის სიაში 52-ე ადგილზეა, რაც აღმოსავლეთ ევროპაში ერთ-ერთი საუკეთესო მაჩვენებელია. თუმცა, 2017 წელს გამოქვეყნებულ რეიტინგში საქართველო 43-ე ადგილზე იყო. შესაბამისად, ერთ წელიწადში ქვეყანა ცხრა პოზიციით ჩამოქვეითდა.
Forbes-ის მონაცემებით, ერთადერთი მნიშვნელოვანი ცვლილება წინა წელთან შედარებით მონეტარული თავისუფლების კუთხით მოხდა. სავარაუდოდ, სწორედ ეს გახდა რეიტინგის გაუარესების მიზეზი.
ახალ რეიტინგში თურქეთი 56-ე, რუსეთი 58-ე, აზერბაიჯანი 70-ე, უკრაინა მე-80, მოლდოვა 87-ე, სომხეთი კი 88-ე პოზიციაზეა. 153 ქვეყანას შორის ბიზნესის წარმოებისთვის ყველაზე ნაკლებად მიმზიდველ ქვეყნებად ჩადი, გამბია და ჰაიტი დასახელდნენ.
