საზოგადოება
გიგი უგულავამ მუხლის ოპერაცია გაიკეთა
რამდენიმე დღეა, თბილისის მერი გიგი უგულავა ტელეეკრანებზე ყავარჯნებით ჩნდება. ამის გამო საზოგადოება მერის ჯანმრთელობის მდგომარეობით დაინტერესდა.
როგორც მერიაში განაცხადეს, უგულავას ყავარჯნების ტარება დაახლოებით 2 კვირის განმავლობაში მოუწევს.
„გიგი უგულავას დაზიანებული ჰქონდა მარცხენა მუხლის სახსარი, კერძოდ, ჯვარედინი და კოლატერალური იოგები და სახსართშორისი ხრტილი. მას ამ იოგებისა და ხრტილის აღდგენითი ოპერაცია ჩაუტარდა, სახსარი იმობილიზირებულია“, - აღნიშნა პრესსამსახურის წარმომადგენელმა.ქალაქის მერს ოპერაცია საქართველოში არ გაუკეთებია, მაგრამ არც ის ინფორმაცია ხმაურდება, თუ სად გაიკეთა.
