საზოგადოება
თუ მიხეილ სააკაშვილი თავისი ნებით გამოცხადდება სასამართლოში, ეს იქნება გაცილებით უკეთესი - სოზარ სუბარი
საქართველო, 8 სექტემბერი, საქინფორმი. ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი საქართველოს მესამე პრეზიდენტს მიხეილ სააკაშვილს ქვეყანაში ჩამოსვლას და მის წინააღმდეგ აღძრული საქმის სასამართლოზე დასწრებას ურჩევს.
„ზოგადად, ძალიან კარგია, როდესაც ადამიანი, რომელზეც მიდის გამოძიება, რომელზეც სასამართლოში მიდის პროცესი, თვითონ დაესწრება პროცესს. ეს უკეთესია მისი დაცვისთვისაც, გამომძიებლისთვისაც და კითხვებს პირდაპირ გაეცემა პასუხი. ასე რომ, თუ გამოცხადდება თავისი ნებით, ეს იქნება გაცილებით უკეთესი იმისთვის, რომ სასამართლო იყოს სამართლიანი“, - განაცხადა სოზარ სუბარმა.
