აქტუალური
„ღირსეული პარტნიორი 2017“ - საბრძოლო სროლები
საქართველო, 11 აგვისტო, საქინფორმი. მრავალეროვნული სწავლების „ღირსეული პარტნიორი 2017“ ფარგლებში ვაზიანის მე-11 სასროლეთზე კომბინირებული საბრძოლო სროლები გაიმართა. საველე მომზადება „ღირსეული პარტნიორი 2017“-ის დახურვის ცერემონიალისთვის მოსამზადებელ ღონისძიებებსაც გულისხმობდა. წვრთნის მიმდინარეობას საქართველოს თავდაცვის მინისტრი ლევან იზორია და შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია დაესწრნენ.
პირველად საქართველოს შეიარაღებული ძალების ისტორიაში, ვაზიანის სამხედრო პოლიგონზე აშშ-ის ევროპული სარდლობის მე-2 საკავალერიო პოლკის სამხედროებმა ტანკსაწინააღმდეგო სარაკეტო კომპლექსი „ჯაველინი“ გამოიყენეს. განხორციელდა თავდაცვითი და კონტრშეტევითი ამოცანები. ქვედანაყოფს არაპირდაპირი ცეცხლით მხარდაჭერა საქართველოს შეიარაღებული ძალების I საარტილერიო ბრიგადის "დანა" ბატარეამ და ამერიკულმა საარტილერიო ბატარეამ გაუწიეს. წვრთნაში ჩართული იყო ქართულ შეიარაღებაში არსებული T-72 ტიპის ტანკები, ამერიკული ტანკი „აბრამსი“ და ქვეითთა საბრძოლო მანქანა „ბრედლი“.
