სამართალი
შსს-მ ძარცვის ფაქტი ცხელ კვალზე გახსნა
საქართველო, 26 ივნისი, საქინფორმი. შსს-ს თბილისის პოლიციის დეპარტამენტის ვაკე-საბურთალოს სამმართველოს პირველი განყოფილების თანამშრომლებმა ცხელ კვალზე წინასწარი შეთანხმებით ჯგუფის მიერ დიდი ოდენობით ძარცვის ბრალდებით 2 პირი: 1999 წელს დაბადებული თ.ჩ. და 2002 წელს დაბადებული ზ.ვ. დააკავეს.
გამოძიებით დადგინდა, რომ ბრალდებულებმა თბილისში, ტაბიძის ქუჩაზე მოქალაქეს კუთვნილი ავტომანქანის სალონიდან 60 000 აშშ დოლარი გასტაცეს და შემთხვევის ადგილიდან მიიმალნენ.
სამართალდამცველებმა ორივე ბრალდებული ცხელ კვალზე, მომხდარიდან რამდენიმე საათში დააკავეს. პოლიციამ ერთ-ერთი ბრალდებულის საცხოვრებელი სახლის სარდაფიდან გატაცებული თანხა სრულად, ნივთმტკიცებად ამოიღო.
დაკავებულები აღიარებენ ჩადენილ დანაშაულს.
გამოძიება წინასწარი შეთანხმებით ჯგუფის მიერ დიდი ოდენობით ძარცვის ფაქტზე მიმდინარეობს.
