საზოგადოება
მცხეთაში ახალი თანამედროვე სტანდარტების მქონე კულტურის ცენტრი გაიხსნა (ვიდეო)

   საქართველო, 15 ივნისი, საქინფორმი. გახსნის ცერემონიას საქართველოს პრემიერ-მინისტრი გიორგი კვირიკაშვილი დაესწრო.

ახალ კულტურის ცენტრში ფუნქციონირებს 450-კაციანი საკონცერტო დარბაზი, შენობაში განთავსებულია სარეპეტიციო დარბაზები, საგრიმიოროები, ხმის ჩამწერი სტუდია, საოპერატოროები, სარეჟისორო, საკონფერენციო, ხატვისა და გამოყენებითი ხელოვნების ოთახები (ვიდეო იხ აქ).

2012 წელს მომხდარი ხანძრის გამო ქალაქი მცხეთა კულტურის სახლის გარეშე იყო დარჩენილი. ახალი ცენტრის მშენებლობა 2014 წელს დაიწყო.

მცხეთაში მყოფმა პრემიერ-მინისტრმა ასევე დაათვალიერა სპორტულ-გამაჯანსაღებელი კომპლექსის სამშენებლო სამუშაოები. პროექტი მოიცავს 2 საცურაო აუზს და დახურულ მრავალფუნქციურ დარბაზს. მცხეთის სპორტულ-გამაჯანსაღებელი კომპლექსის მშენებლობა 2017 წლის ბოლოს დასრულდება.