უცხოეთი
მოსკოვში ძლიერ ქარიშხალს 11 ადამიანი ემსხვერპლა
საქართველო, 31 მაისი, საქინფორმი. 29 მაისს მოსკოვში ძლიერი ქარიშხალი იყო, სტიქიამ 11 ადამიანი იმსხვერპლა. ქარმა წააქცია ხეები, ეკლესიებს ჯვრები მოგლიჯა, საცხოვრებელ სახლებს სახურავები გადახადა, გადააყირავა ამწეები, სარეკლამო ბილბორდები.
“ლენტა.რუ“-ს ინფორმაციით, დაზიანებულია ათობით ავტომანქანა. თვითმხილველები სოციალურ ქსელებში აქვეყნებენ შტორმის ამსახველ ფოტოებს და ვიდეოებს, რომელიც რუსეთის დედაქალაქს მზიანი ამინდის შემდეგ მოულოდნელად დაატყდა თავს.
