პოლიტიკა
საქართველოს პრემიერ-მინისტრი გიორგი კვირიკაშვილი აზერბაიჯანის თავდაცვის მინისტრს ზაკირ ჰასანოვს შეხვდა
საქართველო, 24 მაისი, საქინფორმი. შეხვედრაზე ორი ქვეყნის პარტნიორული ურთიერთობის საკითხები განიხილეს.
საუბარი შეეხო თავდაცვის სფეროში თანამშრომლობის გაღრმავების პერსპექტივებს და სამხედრო სფეროში გამოცდილების გაზიარების მნიშვნელობას. მხარეებმა ასევე ისაუბრეს სამმხრივ ფორმატზე - საქართველოს, აზერბაიჯანისა და თურქეთის თანამშრომლობის კიდევ უფრო განვითარებაზე, რეგიონის სტრატეგიული ენერგოსატრანსპორტო ინფრასტრუქტურის დაცვის მიზნით.
ყურადღება გამახვილდა რეგიონში მიმდინარე პროცესებზე.
