საზოგადოება
სადილი სოციალურად დაუცველი 2000 თბილისელისთვის

sadili"ჯორჯიან უოთერ ენდ ფაუერი" (ყოფილი "თბილისის წყალი") ნათლისღების დღესასწაულზე სოციალურად დაუცველ 2000 თბილისელს ცხელი სადილით უმასპინძლდება.

საქველმოქმედო აქციას "ჯორჯიან უოთერ ენდ ფაუერი" ასოციაცია "კათარზისთან" ერთად მართავს.

აქციის ორგანიზატორები დღეს 11:00-დან 17:00 საათამდე ნებისმიერ მსურველს ასოციაციაში ცხელ სადილზე ეპატიჟებიან.

"ჯორჯიან უოთერ ენდ ფაუერის" გენერალური დირექტორი იორგ მათისი სოციალურად დაუცველთათვის დღესასწაულის მისალოცად "კათარზისს" ესტუმრა და შეხვდა შეკრებილთ.