სამართალი
შსს-ს განსაკუთრებულ დავალებათა დეპარტამენტმა პანკისის სოფლებში მდებარე 2 ბიბლიოთეკას საჩუქრად წიგნები გადასცა

  საქართველო, 29 დეკემბერი, საქინფორმი. შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლებმა პანკისის ხეობის სოფლების - ომალოსა და ჯოყოლოს საჯარო ბიბლიოთეკებს საჩუქრად წიგნები გადასცეს. პანკისელებისთვის მათ სხვადასხვა ჟანრის 1500-მდე წიგნი შეაგროვეს, მათ შორის, საბავშვო, მხატვრული და სამეცნიერო ლიტერატურა.

 აღნიშნული აქციის მიზანი იყო პანკისის ხეობაში მცხოვრები მოზარდებისა და ახალგაზრდებისთვის განათლების მიღებაში ხელის შეწყობა და ბიბლიოთეკით სარგებლობის ხელმისაწვდომობა.