საქართველო, 22 ნოემბერი, საქინფორმი. ამის შესახებ აშშ-ის სახელმწიფო მდივნის თანაშემწის მოადგილემ ბრიჯიტ ბრინკმა საქართველოს პარლამენტში გამართული შეხვედრის შემდეგ განაცხადა.
"უპირველეს ყოვლისა, მე მივულოცე ირაკლი კობახიძეს სპიკერის თანამდებობის დაკავება, ხოლო “ქართულ ოცნებას” - არჩევნებში გამარჯვება. მე აღვნიშნე, რომ ეს საქართველოს წინსვლის გაგრძელებისთვის დიდი შესაძლებლობა და დიდი პასუხისმგებლობაცაა. მე ვთქვი, რომ ჩვენი პერსპექტივიდან, ჩვენი რეკომენდაციები იქნება ოპოზიციასთან ერთად სტრატეგიული ნაციონალური ინტერესის სფეროებზე ფოკუსირება, საკანონმდებლო დღის წესრიგის გაგრძელება", - აღნიშნა ბრინკმა.
ამასთან, მისივე თქმით, საკონსტიტუციო რეფორმა, რომლის განხორციელებაც იგეგმება, რაც შეიძლება ინკლუზიურად უნდა ჩატარდეს.
“მოხარული ვარ, რომ სპიკერთან და ზოგიერთი კომიტეტის თავმჯდომარესთან შეხვედრისას ისინი მზადყოფნას გამოთქვამენ, იმუშაონ ინკლუზიურად საქართველოს ევროატლანტიკური ინტეგრაციისკენ მიმართული ჩვენი ერთობლივი ინტერესის მხარდასაჭერად", - განაცხადა ბრიჯიტ ბრინკმა.