საზოგადოება
NDI-ის საქართველოს ოფისის ხელმძღვანელი: „8 ოქტომბრის არჩევნების ლეგიტიმურობა არასოდეს დაგვიყენებია ეჭვქვეშ“
საქართველო, 24 ოქტომბერი, საქინფორმი. ამის შესახებ NDI-ის საქართველოს ოფისის ხელმძღვანელმა ლორა თორნტონმა „ტვ პირველის“ ეთერში, გადაცემაში „დიანა ტრაპაიძის შეკითხვის დრო“ განაცხადა.
„პროცესი 8 ოქტომბერს ჩატარდა იმგვარად, რომ გამოხატა ხალხის ნება, ლეგიტიმურობა ამ პროცესის ჩვენ არასოდეს დაგვიყენებია ეჭვქვეშ. ჩვენ, უბრალოდ, ვთქვით, რომ პროცესში არსებობდა რაღაც ტიპის, მაგალითად - ადმინისტრაციული პრობლემები, რომლებიც უბნებზე იყო. ჩვენ ვსაუბრობდით მომავალ არჩევნებზე, რაც საჭიროებს რაღაც ტიპის გაუმჯობესებას“, - აღნიშნა ლორა თორნტონმა.
„ჩვენი რეკომენდაცია, რომელიც ყველაზე ჯგუფსა და ყველა ადამიანზე ვრცელდება, არის შემდეგი - თავი შეიკავეთ ძალადობისგან. მეორე რეკომენდაცია გახლავთ ტექნიკური სახის, რომელიც ეხება საარჩევნო ადმინისტრაციას“, - განაცხადა ლორა თორნტონმა.
"მინდა, მოვუწოდო საქართველოს მოქალაქეებს, წადით არჩევნებზე, განახორციელეთ თქვენი მოქალაქეობრივი უფლება და მიეცით ხმა. მინდა, მოვუწოდო აქტივისტებსაც, შექმნან მშვიდი და კომფორტული გარემო, რათა მოქალაქეებმა შეძლონ თავიანთი არჩევანის გაკეთება", - აღნიშნა NDI-ის საქართველოს ოფისის ხელმძღვანელმა.
