სამართალი
გიორგი მღებრიშვილი - პოლიციელზე ხელის აღმართვა დღემდე არავისთვის მიპატიებია და არც ამის შემდეგ ვაპირებ
საქართველო, 17 ოქტომბერი, საქინფორმი. მარნეულში დაკავებული პირები არიან ჩვეულებრივი კრიმინალები, რომლებმაც გაბედეს და ხელი აღმართეს პოლიციელებზე, - ასე გამოეხმაურა შინაგან საქმეთა მინისტრი გიორგი მღებრიშვილი ყიზილაჯლოში მომხდარ ინციდენტთან კავშირში მყოფი პირების დაკავებას.
"დღემდე არავისთვის მიპატიებია პოლიციელზე ხელის აღმართვა და არც ამის შემდგომ არ ვაპირებ, ვინმეს ვაპატიო მსგავსი საქციელი", - განაცხადა შინაგან საქმეთა მინისტრმა.
"ზეწოლას დაკავებულებზე ადგილი არ ჰქონია. ეს არის ყველაფერი სიცრუე. ალბათ, გაგიგიათ - თავდასხმა საუკეთესო თავდაცვააო", - აღნიშნა გიორგი მღებრიშვილმა.
