საქართველო, 14 ოქტომბერი, საქინფორმი. ამის შესახებ „ქართული ოცნების“ აღმასრულებელმა მდივანმა ირაკლი კობახიძემ განაცხადა.
„მიხეილ სააკაშვილმა მოატყუა თავისი მხარდამჭერები, თავისი აქტივისტები. მიხეილ სააკაშვილი ატყუებდა მათ არჩევნების წინ, იცოდა ზუსტად, რომ დამარცხებისთვის იყო „ნაცმოძრაობა“ განწირული, მაგრამ არასწორ მოლოდინებს უქმნიდა თავის აქტივს. დღეს, ბუნებრივია, ცდილობს ამ სიტუაციიდან თავის დაძვრენას. სააკაშვილს უწევს მოტყუებული აქტივისტებისთვის იმის ახსნა, თუ რატომ უქმნიდა არასწორ მოლოდინებს „ნაციონალური მოძრაობის“ მხარდამჭერებს”, - განაცხადა ირაკლი კობახიძემ.
„ნაციონალურ მოძრაობაში“ არის სერიოზული კრიზისი, ეს პარტია არის სერიოზული დაპირისპირების ზღვარზე, რაც, პრინციპში, ლოგიკური შედეგია იმ პროცესებისა, რომელიც ბოლო დროის განმავლობაში განვითარდა”, - აღნიშნა კობახიძემ.