საქართველო, 9 ოქტომბერი, საქინფორმი. დღეს დილით, 9 საათზე და 15 წუთზე, ცენტრალური საარჩევნო კომისიის მედიაცენტრში ჩატარებულ ბრიფინგზე ჟურნალისტები პროპორციული სისტემით 2016 წლის 8 ოქტომბრის საპარლამენტო არჩევნების წინასწარ შედეგებს გაეცნენ.

 ამ დროისთვის 3702 უბნიდან დათვლილია  2347 უბნის მონაცემები, ანუ უბნების 63,4 %.  ცესკოს თავმჯდომარემ თამარ ჟვანიამ მედიას პირველადი წინასწარი შედეგები ამ უბნების მიხედვით წარუდგინა.

 ცესკო-ს წინასწარი შედეგებით,  „ქართულ  ოცნებას“ 49,93 % აქვს (519 944 ხმა), „ნაციონალურ  მოძრაობას“  - 26,7 % (278 020 ხმა).

 სხვა  პარტიების შედეგები, რომელთაგან ჯერჯერობით ვერცერთმა 5% ბარიერი ვერ გადალახა, ასეა გადანაწილებული:

 "თარხან-მოურავი ირმა ინაშვილი-პატრიოტთა ალიანსი" - 4,87%

 „ირაკლი ალასანია - თავისუფალი დემოკრატები“ - 4, 13%

 "პაატა ბურჭულაძე - სახელმწიფო ხალხისთვის" - 3,6%

 "ნინო ბურჯანაძე დემოკრატიული მოძრაობა" - 3,36%  

 „ლეიბორისტული პარტია" - 3,04%

 "რესპუბლიკური პარტია" - 1,48%

 დანარჩენ პარტიებს ხმების 1% ნაკლები აქვთ.

 ამომრჩეველთა აქტიობა დაახლოვებით 52% იყო.

 რადგანაც ხვალამდე მოცემული სურათი მუდმივად შეიცვლება, როგორც პროპორციული, ადევე მაჟორიტარული სისტემით ჩატარებული არჩევნების მონაცემებს უბნების მიხედვის შეგიძლიათ გაეცნოთ ცესკო-ს სპეციალურ ელექტრონულ გვერდზე.