საქართველო, 22 სექტემბერი, საქინფორმი. 21 სექტემბერს, თურქეთის პრეზიდენტმა რეჯეფ თაიფ ერდოღანმა უკრაინის პრეზიდენტს განუცხადა, რომ ანკარა კიევს ყირიმის საკითხში მხარს დაუჭერს. ამის შესახებ უკრაინის პრეზიდენტის პრეს-სამსახური იტყობინება.

 ორი ქვეყნის ლიდერი ერთმანეთს გაეროს გენერალური ასამბლეის 71-ე სესიის ფარგლებში, ნიუ-იორკში, შეხვდნენ.

 "რეჯეფ თაიფ ერდოღანმა ხაზგასმით აღნიშნა, რომ თურქეთი კვლავაც მხარს დაუჭერს უკრაინას ტერიტორიული მთლიანობისა და სუვერენიტეტის საკითხში", ნათქვამია განცხადებაში.

 განცხადებაში, ასევე, ნათქვამია რომ "რუსეთთან დიალოგის აღდგენა გავლენას არ იქონიებს თურქეთის პოზიციაზე".