სამართალი
„პოლიციის თანამშრომლებს, რომლებიც კანონს დაარღვევენ, ხელს არავინ დააფარებს, ეს არის შსს-ს პრინციპული პოზიცია“ – შალვა ხუციშვილი
საქართველო, 1 სექტემბერი, საქინფორმი. ამის შესახებ შინაგან საქმეთა მინისტრის მოადგილემ შალვა ხუციშვილმა განაცხადა "ქართული ოცნების" ცენტრალური ოფისის დატოვების შემდეგ, სადაც, მისი თქმით, პირად საქმეზე იმყოფებოდა და პრემიერ-მინისტრთან დემურ სტურუას საქმესთან დაკავშირებით საუბარი არ ჰქონია.
„მაქსიმალურად ვითანამშრომლებთ პროკურატურასთან. ბრალის წაყენება მოხდა მას შემდეგ, რაც გამოძიებამ მოაგროვა საკმარისი მტკიცებულებები", - აღნიშნა ხუციშვილმა.
მისივე თქმით, პოლიციის თანამშრომლებს, რომლებიც კანონს დაარღვევენ, ხელს არ დააფარებენ.
"ეს არის პრინციპული პოზიცია შინაგან საქმეთა სამინისტროსი და ძალიან მინდა გთხოვოთ, რომ ცალკეულ შემთხვევებს ტენდენციად ნუ განვიხილავთ", - განაცხადა შალვა ხუციშვილმა.
