საქართველო, 22 აგვისტო, საქინფორმი. ამის შესახებ დეპუტატმა ნუკრი ქანთარიამ "ნაციონალური მოძრაობიდან" დეპუტატობის კანდიდატად სანდრა რულოვსის წარდგენის კომენტირებისას განაცხადა.
„მიხეილ სააკაშვილი, რა თქმა უნდა, ოდესიდან მართავს პარტიებს თუ ბლოკებს, მაგრამ გარწმუნებთ, „ქართული ოცნება“ მყარი უმრავლესობით გავა არჩევნებში, ზუგდიდშიც და მთელს საქართველოში”, - აღნიშნა ნუკრი ქანთარიამ.
პარლამენტის საპროცედურო საკითხთა კომიტეტის თავმჯდომარე გიორგი კახიანიც მიიჩნევს, რომ სანდრა რულოვსი არჩევნებში მარცხისთვის არის განწირული.
„სამწუხაროა, რომ მიხეილ სააკაშვილი, რომელიც დღეს არის ოდესის გუბერნატორი, არღვევს ქართულ კანონმდებლობას. როგორც ოდესის გუბერნატორი და როგორც სხვა ქვეყნის მოქალაქე, იგი უხეშად ერევა წინასაარჩევნო კამპანიაში. მას ამის უფლება არ აქვს“, - განაცხადა გიორგი კახიანმა.
შეგახსენებთ, რომ "ნაციონალურმა მოძრაობამ" სანდრა რულოვსი ზუგდიდში მაჟორიტარი დეპუტატობის კანდიდატად წარადგინა.