საქართველო, 10 აგვისტო, საქინფორმი. როგორც დავით უსუფაშვილმა ჟურნალისტებს განუცხადა, საქართველოს არცერთი წამით არ შეუნელებია სვლა დასავლეთისკენ.
"მე ვთხოვ ბატონ მეთიუ ბრაიზას, შეახსენოს საკუთარ ხელისუფლებას, თუ რატომ არის შენელებული საქართველოსკენ სვლა. საქართველოს არცერთი წამით არ შეუნელებია სვლა დასავლეთისკენ. სამწუხაროდ, დღევანდელი მდგომარეობით, ევროპაც და ამერიკის შეერთებული შტატებიც სერიოზულად არის მოცული საკუთარი შიდა პრობლემებით, ამას ჩვენ თვალი უნდა გავუსწოროთ, თუმცა ამის გამო არანაირად არ უნდა შევაჩეროთ ჩვენი სვლა დასავლეთისკენ", - აღნიშნა უსუფაშვილმა მეთიუ ბრაიზას განცხადების კომენტირებისას.
აშშ-ის სახელმწიფო მდივნის თანაშემწის ყოფილმა მოადგილემ მეთიუ ბრაიზამ ”ამერიკის ხმის” ქართულ რედაქციისთან ინტერვიუში განაცხადა, რომ ნატოსა და დასავლეთისკენ საქართველოს სწრაფვის ინტენსიურობა შემცირდა.