საქართველო, 27 ივლისი, საქინფორმი. საფრანგეთის ჩრდილოეთ ნაწილში, ნორმანდიის რეგიონში მდებარე ეკლესიაზე თავდასხმისას დანებით შეიარაღებულმა ორმა პირმა ერთი მძევალი მოკლა. ინფორმაციას ამის შესახებ სააგენტო “ფრანს პრესი” ავრცელებს. პოლიციის ინფორმაციით, მოკლულია მღვდელი.

BBC-ის ცნობით, ორივე თავდამსხმელი ლიკვიდირებულია. მათი ვინაობა და ქმედების მოტივი ჯერ უცნობია.

ეკლესიასთან მობილიზებულები არიან სასწრაფო დამხარების ბრიგადები და სპეცრაზმი.

დანებით შეიარაღებულმა ორმა მამაკაცმა  4-დან 6-მდე ადამიანი მძევლად ეკლესიაში დღეს დილით აიყვანა. ინციდენტი ქალაქ რუანიდან 10 კილომეტრში, სენ ეტიენ დიუ რუვრეს ეკლესიაში მოხდა.

სამართალდამცველების ინფორმაციით, მძევლებს შორის მღვდელი და ორი მონაზონი იყვნენ.